Featured Content Slider

Ebenezer Beaty Parlor

Ebenezer Beaty Parlor

Congolise Gospel Musician

Congolise Gospel Musician

Pages - Menu

Tuesday, May 26, 2015

Papaa On Tuesday.....Mti Unaokukinga Leo Na Mvua Usiukate Utakufaa Kesho

Najua wengi wetu macho na masikio yetu yapo Dodoma kwenye kufatilia masuala mazima ya Bunge hasa kipindi hiki ambacho issue ya Budget mbalimbali zimeshika kasi tunatarajia kusikia mengi kutokana na vugu vugu pia la uchaguzi. Niliwahi kuandika mwakai juzi hapa Kuwa Tanzaniani Kama Nyumba ya Mganga haiishiwi nyimbo ...http://samsasali.blogspot.com/2012/04/papaa-on-tuesdaynyumba-ya-mganga.html.

Kati ya misemo mingi ya Wahenga ninayoijua mmoja wapo ni huu wa "Mti Ukikufaa Leo Kijikinga na Mvua Usiukate, Utakufaa Kesho". Mara nyingi sana nimewahi wasikia watu wakisema hata mimi mwenyewe kuna wakati niliongea kuwa fulani ni mbaya sana, ama Ofisi fulani ni mbaya sana haina Maslah, au Mke wangu ama Mume wangu hafai kabisa, ama huyu ndugu yangu bureeee kabisa, tumekuwa ni wepesi wa kuponda vitu kwa Muonekano wa sasa na kudharau vitu vingi vilivyo sasa pasipo kuwaza miaka michache ijayo kitu ama jambo hilo litakuaje.

Kuna watu wamekuwa wakidharau kazi wanazofanya sasa kwa sababu matarajio yao yako juu sana. walidhani mambo yatakuwa tambarare, baada ya muda wamekuja kugundua kuwa pengine wao ama yeye analipwa mshahara mdogo kuliko wengine, wanachofanya cha kwanza ni kuona kama kazi anayoifanya haina thamani ama yeye hana thamani, unajua unadharau leo mshahara ulio nao sababu upo, siku ukiwa hauna mshahara ndipo utakapojua thamani ya hizo unazoita senti zinathamani gani, wengi wanadharau kazi walizonazo sababu wanazo, waliokuwa na kazi ama shughuri ya kufanya wanajua thamani ya kazi hata kama ni ndogo kiasi gani, Kibaya Cha leo Kitunze, Kitakufaa Kesho.


Jamaa akamuacha yule dada kwa maneno ya kejeri, mdada wa watu akaendelea na maisha Mungu sio Filikunjombe, mdada akapata zake kazi ya maana maisha yakamnyookea akaanza na biashara ghafla sura ya giza ikawa Nuru, baada ya miaka mitano wakakutana na Mkaka, na wakati huo Mkaka amechoka fulani na Mdada maisha yako level, Kijana akabaki tu kung'aa macho akajieleza weeeee, umewahi muona mwanaume akiwa amefanya kosa halafu bado anataka kujitetea kuwa alikuwa yuko sahihi hahaha  Kibaya Cha Leo Kitunze ndugu yangu, hakuna Mtu mbaya duniani ni matunzo, hakuna kazi mbaya duniani ni mtazamo, hakuna maamuzi mabaya ni Wakati tuu, uamuzi mbaya kuliko wote ni kuchagua Mauti wakati uliwekewa uzima mbele yako.


Haijalishili unapitia nini kwa sasa lakini hii iwe ni kukutia moyo kuwa Unachokiona Sasa sio Cha Milele, Kama ni Kazi mbaya Si ya Milele usiidharau, Kama ni biashara usiidharau, kama ni mahusiano usiyadharau sababu kabla Daudi hajawa Mfalme alikuwa Mchunga Kondoo, na kabla Yusufu hajaingia Ikulu alikuwa gerezani, wiki chache zilizopita niliwahi andika, Siku Njema haziongozani gonga hapa....http://samsasali.blogspot.com/2012/02/papaa-on-tuesdaysiku-njema-haziongozani.html.

Siku zote Majuto ni Mjukuu, unaweza kumzuia Majuto kuwa mjukuu wako kwa kuamua kuwa na furaha kwenye maisha yako, amani ya Kristo na iamue ndani ya Maisha yako ya kila siku, Kama Ipo Ipo tu hata kama huioni....http://samsasali.blogspot.com/2010/12/papaa-on-tuesdaygods-ways-are.html.
Kibaya Cha Leo Kitunze, Kitakufaa Kesho, Mti ukikustiri na Mvua Usiukate Utamsaidia na Mwingine.

Baadhi yetu tumekuwa na akili ya kudhani maisha ya Dar-es-salaam ni bora zaidi kuliko kule tuliko sisi, na kudharau rasilimali tulizonazo na kudhanganyika na watu wengi wanaovaa kwa kuchomekea na kwenda Saluni tukidhani maisha ya Dar-es-Salaam ni rahisi kiivyo, fursa za Dar-es-salaam ni Chache kuliko maelezo, Watu wachache wanamiliki taarifa za Jiji hili, rasilimali ni kugombania, ndio maana utaona Mtu anakaa Dar-es-Salaam, Ikifika Saa ya Kugombea Ubunge anaenda Kwaooooo, Kama Mjanja agombee hapa aone, hapa watu wanabanana, Usijidharau vile ulivyo ama pale ulipo, Biblia inasema utabarikiwa mjini utabarikiwa shambani kila mahali inahitaji kujipanga, Laini Laini Sio Rahisi Rahisi. Kila mtu kwa sasa Mjini anaamiki akitaka kufanikiwa mbali na kazi yake ni lazima Afuge ama Alime ndipo atakapofanikiwa, popote pale tulipo ni kujipanga, niliwahia andika kuhusu kujipanga gonga hapa...http://samsasali.blogspot.com/2012/01/papaa-on-tuesday-ukiona-mtu-anajipanga.html.

Kuna watu wana kawaida ya kuwadharau leo watu wanavyooonekana kwa maana kwenye akili zao wakiamini wale watu wataendelea kubaki kama walivyo. Kuna mdada alimpenda sana rafiki yangu mmoja, rafiki yangu alikuwa ana "m-feel" lakini alimuona sio type yake, kwa vile "hana mvuto" pamoja na kusihi sana lakini aliendelea ku mu-ignore kisa yeye anapenda Mke Matangazo, yaani anataka Comments za watu, tehe tehe unataka Mke Matangazo???basi Subiri.

Kuna Wimbo unaosema "Wanaokudharau Siku Moja Watakusalimia Kwa Heshima", wengi tunadharau tulichonacho leo badala ya kukitunza, msema wa Kiswahili unasema "Kitunze Kidumu", huwa haijalishi sana watu wanakuonaje sasa ulivyo, Watu wanachukuliaje Makosa unayoyafanya, Watu Wanachukuliaje Machozi yako ya Sasa, Watu Wanachukuliaje Njaa yako ya Sasa, Stay Focus na Maisha yako, hakuna hali ambayo ni ya kudumu, Wanaojua historia ya Maisha yangu watakuambia, nimetoka mbali, Nimeuza Karanga, Ufuta, Maandazi pale Manzese Opposite na Friends Corner wakati tunaishi, tumeuza Ice Cream, Maji Baridi, nimewahi simamishwa shule sababu ya fujo, nikitazama nilikotoka na hiyo rough road hapo nyuma nabaki kusema "Yesu Ni Mwanaume". 

Tuesday, May 19, 2015

Prophetic Conference from 27th to 31st May 2015 at CCC Upanga. Don’t plan to miss this Special Event

Dr. Bernard Nwaka is the presiding bishop of Living Waters Global Churches located in Zambia, Tanzania, Cameroon, Nambia, United Kingdom and Washington DC. A prophet by calling, he runs apostolic and prophetic schools and is the president of Living Waters Bible College. An international conference speaker, Dr. Nwaka has been in ministry for 23 years and is the author of the book “Invading the Babylonian System and many others. Bishop Nwaka together with Bishop Emmah Isong from Nigeria, will be Speaking in Dar es Salaam during the Prophetic Conference from 27th to 31st May 2015 at CCC Upanga. Don’t plan to miss this Special Event
Papaa Sebene

Tuesday, May 12, 2015

Papaa On Tuesday.......Foolish Age Isiyo Na Ukomo ni Sumu ya Maamuzi Katika Maisha.

Mungu ni mwaminiifu sana katika maisha yetu ikiwa leo ni siku ya 12 tangu mwezi wa Tano mwaka huu 2015 ulipoanza tuna kila sababu ya kumshukuru Mungu kwa ajili ya uzima na pumzi anayotupa hasa hasa Amani katika nchi yetu ya Tanzania.

Zamani zile wakati tunakuwa sikuwa najua kwanini kuna umri ama rika linaitwa "Foolish Age". Rika hili linakuwa na changamoto zake kwa wazazi na jamii hasa kwa wale ambao "foolish age" ndo imeshika mkondo wake. Wakati yule anayefanya mambo hayo yeye anadhani yuko sawa lakini watu wazima wakimtazama wanamuona kabisa yuko katika wakati wa makuzi. Kati ya mambo ay tabia ambazo mtu aliye katika foolish age anakuwa nazo ni ile hali hasa ya kujiona nae mkubwa kama wengine wakati bado ni mtoto, ni hali ya kuona nae anao uhuru akama alionao baba na mama au kaka na dada, ni ile hali ya kuona ana haki sawa na watu wote waliomtangulia, mambo anayoyafanya anadhani peke yake anajua na hakuna wa kuwambia chochote yale ni maisha yake na ana maamuzi nayo hakuna wa kumuamulia. Katika Foolish Age ndipo ambapo unaweza kujuta baadae ama ukajipongeza katika yale uliyowahi yaamua katika umri huo.

Maissha yetu ya kila siku yamezungukwa na maamuzi ya kila namna. Kati ya changamoto kubwa inayotukabili kwa sasa ni namna ya kufanya maamuzi sahihii tena ya haraka. Tuko katika kizazi ambacho ukichelewa kuamua huwezi kutana tena na hiyo fursa. Tuko kwenye kizazi cha fast food, fast truck, fastjet, fast fast faast, hata kuoa ni fast wives and husbands. Ikitokea leo unataka kwenda kupanga chumba mahali fulani ukasema unarudi kesho sio ajabu ukaja kesho ukasikia "kuna mtu alishalipa"..Ikatokea leo unataka nunua kitu dukani ukasema utakuja wiki ijayo si ajabu ukaja usikikute, ukija katika ununuzi wa viwanja ukisema utakuja kesho unastukia walishachukia. Kama huwezi amua leo tena haraka basi jua kuna mambo mengi sana yanaweza kukupita pasipo jua kuwa unapitwa.

Katika hali hii ya pressure ya kufanya maamuzi sahihi na ya haraka wengi tumejikuta katika kufanya maamuzi ambayo baadae yaligeuka kuwa majuto kwenye maisha na kuacha vidonda ndani ya mioyo. Ndio maaana baadae mtu huja kujuta na kujiuliza "hivi nilikuwa na akili gani"?? ni kama vile leo tukiktazama wakati wa "fooolish age" tunajiona namna gani tulivvyokuwa "watoto". Kuna mambo mengi sana ambayo wakati ukipita tunajiona namna gani tulikuwa na utoto mwingi katika kuamua.

Pale kabla nilisema kuwa kati ya tabia mojawapo ya watu waliokatika foolish age ni kujiona wao ni wajuaji na wengine wote hawajui kuliko wao. Kuna mambo mengi sana ambayo pengine kwa kutofungua mlango wa watu wengine kukushauri ama kukusaidia imepelekea kufanya maamuzi ambayo sio sahihi. Watu wengi sana hudhani wanajitosheleza katika kufanya maamuzi pasipo kuhitaji watu wengine lakini ukweli ni kwamba kuna nyakati wanayoyasema watu na kushauri yana maana sana kuliko kujiamini kusikokuwa na sababu na mwisho wake kubaki kujilaumu kwa maamuzi. Ni katika foolish age tu ndo watu huwa hawasikilizi wengine lakini katika makuzi na malezi yetu ya kila siku kusiikiliza mawazo ya wengine hata kama unadhani hayana maana ni muhimu sana pengine katika hilo unalotaka kuamua kuna mtu alishawahi amua na kupata matokea hasi ama chanya ni vema ukatafuta kujua kwa watu watatu ama wanne kutokana na jambo hilo.

Jua jambo moja hakuna jambo jipya chini ya jua, kama vile unaweza kuamini google pasipo kukumbuka kuwa taarifa za google ziliwekwa na watu na sio zenyewe zilijitengeneza sasa kwanini usiwaulize watu wenyewe?jifunze tabia ya kujifunza kutoka kwa wengine kwenye maisha hasa jambo la kimaendeleo. Ukishupalia mwenyewe kujiona kama uko sahihi sana ni kama wakati wa foolish age tu.

Tuesday, May 5, 2015

Papaa On Tuesday.....Maisha Kwako Yanatafsiri Gani?

Ikiwa ni Papaa On Tuesday ya Kwanza kwenye maisha yangu kuandika nikiwa baba wa mtoto. Inawezekana kabisa kwako kuwa baba sio jambo la kukusisimua wala kukushangaza lakini kwangu ni jambo la Kumshukuru Mungu kwa dhamana kubwa aliyonipa kwa Mtoto Kristen. Kwa watoto wote waliozaliwa tarehe moja na Kristen tayari Kristen yuko mbele yao kwa namna moja ama nyingine. Maana alipozaliwa mitandao iliandika, Kipindi cha Jahazi Clouds fm  kilitangaza kesho yake Power Breakfast ya Clouds fm, 360 Clouds Tv vyote vilieleza. Ijumaa wakati wa Interview ya Diamond pamoja na Zari Jina la Kristen lilitajwa, Jumapili Kanisani Jina la Kristen lilitajwa na leo kwenye Blog ninamtaja tena hii ina maana Jina lake limetangulia. Her name will be ahead of her mara zote.

Mara kadhaa nimekuwa na maswali kuhusiana na nini maana ya maisha kwa mwanadamu na mara zote nimekuwa nikikosa maana halisi kwa namna ya kuweza kujua maisha hasa ni nini. Nimekuwa nikitazama maana halisi ya maisha kupitia mimi mwenyewe naona leo tutafakari pamoja juu ya maana ya maisha.

Kati ya mambo ambayo nimekuwa nikijiuliza  maswali hivi kweli kabisa Mungu alinileta duniani ili nizaliwe, nipelekwe shuleeee, nikasomeee, nimalize nikasome na chuo, kisha nitafute kazi niipate kisha nihangaike na maisha kisha nije nioe, tukae pamoja, kisha tuwe na watoto nao wazaliwe tuwakuze sie tuwe wazee, tufe watoto wetu wawe wakubwa nao watafute kazi wapate, wasome, wamalize kisha aje aolewe azeeke, kisha nae afe?Kweli?Nini maana hasa ya Maisha ya Mwanadamu.
Kuna siku katika kuwaza kwangu nikawa nawaza mambo ya dini na wokovu kuwa tunaamini Wakristo na pia Waislam kuwa kuna Peponi na Jehanam. Nikawa nawaza hivi ikitokea Fulani au hata mimi nimekwenda kwenye moto kwani nitasikia maumivu?Ok kwani atakayekuwa anateseka atakuwa ni mimi si roho yangu?kweli kabisa watu wataungua milele?what does Milele Means sasa nini furaha ya Mungu kuona Wanadamu wanaungua kwenye moto, au nini furaha ya Mungu kuona watu wako peponi wapo tu milele huko wapo wapo tuu wanaimba wanamsifu usiku na mchana...raha iko wapi kama wataungua milele ama watasifu milele na milele?na kama ndivyo ina maana Mungu anaujua kila mwisho wa kila mtu duniani kwamba kuna watu piga ya LAZIMA wataenda kwenye moto na kuna watu hata kama ni waovu still wataenda Peponi. Swali la kujiuliza kama kuna watu ambao piga ua wataenda kwenye moto sasa kwanini waliumbwa?
Maisha hayawezi kuwa sawa kwetu sote hata kama tukiamua kufanya nini. Nilianza kuwaza mambo haya wakati nikiwa kwenye wakati mgumu sana wa maisha wakati huo hata mlo kwetu ilikuwa ni issue ya muujiza. Nilikuwa nawaza kwanini wengine wanapata na wengine hawapati?kwanini wengine wanateseka wakati wengine wanaishi. Hivi ni kwanini wema wanakufa majambawazi na maharamia wanaishi kwa raha zao, kwanini mtoto wa tajiri pamoja kuwa na uwezo anafika hospital anakufa wakati mtoto wa masikini ambaye hana hata uwezo wa kununua dawa mwisho wa siku ndiye anayepona.

Kuna wengine maisha yao pamoja na kuwa na kila kitu wamekwenda shuleni wanapesa wana kila kitu ajabu wengine hawana furaha na wengine hawana watoto wakati kuna mwanadada hana hata uwezo wa uji anapata mapacha. Mtoto masikini pamoja na ugumu wote anafaulu darasa la saba halafu baba yake hana tena uwezo wa kumsomesha, wakati huo huo wale waliokuwa wanafaulu sana darasani kama wasongo baadae wanakuja ajiriwa na wale ambao hawakuwa vipanga darasani wale walio warembo hawaolewi haraka wale waliofanana sana na baba zao ndio wanaoolewa haraka unabaki kujiuliza nini maana hasa ya maisha na yana maanisha nini kwa wale wanayaishi maisha hayo?

Wewe umewahi waza kwanini upo duniani na nini hatma ya maisha yako?siku ambayo utakuwa unaingia kaburini itauwa kwako heri umekufa ama wewe mwenyewe pia utajisikia vibaya kama wale unaowaacha?

Pata muda wa peke yako kujihoji maana halisi ya maisha yako.


0713494110

Tuesday, April 28, 2015

Papaa On Tuesday....Kifaranga Kikivunjiwa Yai Hubaki Kuwa Goigoi

Ninawasalimu sana marafiki zangu wapya wa sasa na wale wa zamani,kwa neema ya Mungu ambayo ametupa kwneye maisha yetu ya kila siku. Nimekuwa nikirudia Papaa On Tuesday za zamani kwa sababu kubwa ya marafiki wapya ambao hapo kabla hawakusoma hizi. Kwa wale wa zamani ni nafasi nzuri ya kukumbushana yale tuliyozungumza hapo kabla.

Nianze kwa kusema,Maisha yangu yalibadilika na kuanza kuwaza tofauti baada ya kukutana na Mwl. Kabitulila. Huyu mwalimu alikuwa ananifundisha English katika shule ya Sekondari ya  Airwing. Alikuwa anatumia lisaa limoja kufundisha somo lake lisaa limoja alikuwa akifundisha kuhusu athari za maisha ya kimamboleo katika jamii, alikuwa akijenga saikolojia yangu kila siku, siku moja alikuja akasema haya maneno ni miaka mingi imepita lakini bado niyakumbuka. 

Mwalimu wangu alieleza kuwa Kuku anapoatamia mayai na kufika muda wa kutotoa, kwa kawaida sio kazi yake yule kuku kuvunja yao ili kifaranga atoke, ila ni kazi ya kifaranga ndani ya yai kujitutumua mpaka kuvunja yao na kutoka nje, kama ikatokea mtoto kifaranga kikashindwa kuvunja ganda la yao na kutoka nje basi "mama kuku" humsaidia kulivunja ili mtoto atoke, athari yake kubwa vifaranga vingi ambavyo vimeshindwa kuvunja ganda na kutoka nje hubaki kuwa goi goi, ili kifaranga kiwe kijanja lazima kivunje yao mwenyewe.

Nakumbuka mwalimu wangu alieleza kuwa katika maisha usipende kuvunjiwa yai, kila kitu unataka watu wengine wakufanyie, sio vibaya mtu kusaidiwa kufanya na ndo maana ya Networking lakini isiwe "tabia" yako. Wengine kwenye maisha yetu hatukupata fursa ya "kudeka" na Mungu aliruhusu tupite katika shule zile za kawaida kabisa za msingi, lakini responsibility ya mimi ama wengine wetu kukuwa ilikuwa ni jukumu binafsi na sio jukumu la wote.

Unaweza kuta mtu ni rafiki yako kabisa na saa hizo ni usiku anakutumia sms au anakupigia saa 10 usiku umuamshe labda kuna kazi ama kuna kitu anataka afanye, ikatokea na wewe ukashikwa na usingizi kama yeye basi "anazila" huku ni kudeka, unakuta mtu amemaliza chuo kikuu au form 6 ama form 4 utasikia "niko nyumbani nasubiri majibu" unasubirije majibu?unakaa miezi 3 unasubiri majibu??huu ni uvivu wa hali ya juu. Nilipomaliza tu kidato cha 6 mzazi wangu aliniambia tusaidiane mimi na yeye kuleta unga na mboga nyumbani nikamuuliza "nitapata wapi huo unga na mboga" akaniambia sio kazi yangu kukuwazia na wewe chekecha ubongo ujue cha kufanya...niliona kama mzee wangu ni katili kuliko mzee mayuku wa kwenye gazeti la sani, lakini alikuwa ananisaidia kuvunja yai.

Siku moja nilikuwa namsikiliza Erick Shigongo, alieleza kuwa akiwa na umri wa miaka 17 akaanza kuvunja yao ili atoke nje ya wigo wa maisha aliyokuwa nayo. With the age of 22 alifanikiwa kumjengea mama yake nyumba ya kukaa, hii yote baada ya kufanya kazi ya kutosha machimboni. Kwanini unataka mtu akutafutie kazi???Kuna wakenya wakutosha sana wanaozunguka kwenye maofisi kutafuta kazi, nenda kwenye Hotel kubwa zote Tanzania hapa, Dar, Mwanza na Arusha angalia wakenya wangapi wanafanya kazi mule, huwa najiuliza Watanzania wangapi wanafanya kazi Kenya???mtu anatoka Kenya kuja kusaka life Bongo, sisi wabongo kutwa kucha kuangalia DSTV na Tamthilia, wengi wetu tunapenda wengine wafanye kwa niaba yetu.

Mfumo wa maisha unabadilika sana siku hizi mtu anaweza kusema atakusaidia then akasahau ama akakuweka pembeni yeye akafanya mambo yake,nadhani ipo haja ya mtu kuwa accountable na maisha yake, wengine wakupe tu msaada lakini wewe unafanya nini?jitume watu watakusaidia, kujionea huruma hakutatusaidia, Watanzania jua likiwa kali utasikia "sikuja jua lilikuwa kali", au kama mvua inanyesha au hata haijanyesha utasikia "sikuja sababu kulikuwa na manyunyu". Ok kama kuna kikwazo jibu lake ni kukaa chini na kuangalia TV ama kulala?unafanya nini unapopata na tatizo?

Nimekuja jifunza kwenye maisha wale watu ambao huwa wanachakalika na maisha hukutana na fursa nyingi zaidi kuliko wale wanaokaa tu bure. Siamini sana kama wana bahati la hasha sababu ya michakariko yao wanakutana sana na taarifa nyingi. Sababu ya kukutana na taarifa hufungua fursa. Ukianza kufanya moja unashangaa watu wanakuuliza hivi huwezi fanya na hili?mwisho wa siku unajikuta una mambo ya kufanya mengi lakini pia unakosa muda wa Tv, Muda wa kusoma sms unakosa muda wa kulala pia unakuwa na muda mwingi wa kutafakari.

Jizoeze kuvunja yai wewe mwenyewe kwenye maisha yako.
Ze Blogger.

Tuesday, April 21, 2015

Papaa On Tuesday......Uwezo Wako Ni Kama Mwanasimba lakini anayeamua mambo kama Mwanakondoo

Kati ya hadithi nyingi sana ambazo mama alinisimulia utotoni na sijazisahau ni kuhusiana na mwana Simba aliyekaa na Kondoo katika zizi moja. Nakumbuka jioni ya siku hiyo tukiwa kwenye Ibada ya Jioni na ilikuwa zamu ya Mama kutoa neno akifundisha juu ya nguvu itendayo kazi ndani ya Mwamini alianza kwa kusema "kuna mtoto wa simba siku moja alikutwa porini na mchungaji wa kondoo, ambaye mchungaji wa kondoo aliamua kumchukua mtoto mdogo sana wa Simba na kwenda kumuweka pamoja na Kondoo katika Zizi la Kufugia, Mwana Simba yule alikaa pamoja na Kondoo siku nyingi sana mpaka akaanza kuwa mkubwa, lakini mara zote simba yule alikuwa anajitahidi kulia kama kondoo, hata saa ya kutembea alitembea kama kondoo, hata kunywa maji alikunywa kama Kondoo, lakini huyu Simba kila alipokuwa akijitazama alijiona mbona hafanani na wale Kondoo wengine, yeye ana manyoya wale hawana manyoya, wewe anamkia mrefu wale wana mikia mifupi, lakini kila mara aliokuwa anaogopa kuonekana wa tofauti akawa anaishi kama Kondoo wengine, alijifunza Ukondoo, Ukondoo Ukajengeka kwenye akili yake, ndani yake kabisa alikuwa anajiona yeye sio Kondoo, lakini mazingira aliyokuwa nayo alikuwa anajiona yeye ni kama Kondoo". Nakumbuka Jioni hiyo nilikaa kwa Makini sana kumsikiliza Mama nilikuwa napenda sana mifano na hadithi za maisha mama akaendelea na kusema "siku moja mwana simba akaongozana na kondoo kama kawaida yao, ghafla wakiwa kwenye machunga wakatotea simba wanne wanaomfanania yeye, wale simba wakaanza kuunguruma, walikuwa wanashangaa mbona Simba mwenzetu anakaa na Vitoweo, 
Wale Wana simba wakatoka Mbio Kwenda kuwavamia kondoo, na Kuwararua rarua, yule Mwana Simba aliyekulia maisha ya Kondoo akabaki kushangaa, akiwa hajui ndugu zake ni akina nani, baada ya kumaliza kula kitoweo, wakamgeukia mwana simba kondoo, wakaanza kuunguruma kwa nguvu huku wanamzunguka, yule simba aka test kulia kama wenzake akaona kumbe anaweza kulia kama wao, wakaanza kumkimbiza yule simba akaanza kukimbia kama simba wenzake, akatikisa manyoya kama wenzake, akajigundua yeye si Kondoo, yeye ni Simba, muda mrefu ameishi kama Kondoo, amelala kama Kondoo amelia kama Kondoo, lakini ndani yake yeye alikuwa simba alikuwa amepoteza Identity" Mama alipofundisha mfano huu nilijiona ni kama simba mtoto niliyetayari kwa ajili ya Kukabiliana na Changamoto.


Kuna simba wengi sana ambao wameishi kama Kondoo kwa muda mrefu sana, ndani yao wanajua kabisa maisha wanayoishi hawapaswi kuishi hivyo, wanajua kabisa kuwa wanaweza kufanya kazi fulani kwa ufasaha mkubwa, lakini watu wanaowazunguka wamewasababisha wawaze sio parefu, waamue mambo ya kawaida, kuna wafanyakazi wanafanya kazi kwenye kampuni zinazowafanya wafanye kazi chini ya kiwango, watu mtu akitazama ndani yake anajua kabisa hapa anafanya chini ya kiwango, kiwango chake cha ndani yeye anajua naweza fanya zaidi ya hapo alipo sasa, lakini ajabu unaishia kujiona wee ni kondoo wakati unajua wewe ni Mwanasimba.

Unapotential kubwa sana ndani yako kuliko unachokifanya sasa hivi kama ukiamua, tatizo kubwa linalotukabilia sisi ni kuamua utasikia mtu anasema "Mimi Nikiamua Mimi Oooh" sasa mbona mtu haamui??Una uwezo wa Kuimba kuliko unavyoimba sasa kama ukiamua, unawezo wa kuboresha ndoa yako hapo ikawa kama paradiso kama ukiamua, Kama Ukiamua Seriously unaweza Kuoa ama Kuolewa mwakani, Kama ukiamua Seriously unaweza kujenga nyumba yako mwenyewe au kuanzisha biashara yako mwenyewe, ndani yako unajua kabisa wewe ni nouma kama ukiamua kufanya jambo fulani lakini imekuwa ukisita kuchukua hatua.


No one was ever named "Hero" for following the crowd. Heroes Set Their Own Course". Huwezi kupiga hatua pasipo kuthubutu kufanya kuwa nouma, mtu yeyote unayemuona kwenye sehemu yoyote kuwa ni nouma jua kuwa alithubutu kufanya. Niliwahi kusema hapo awali, kama Simba akikutokea mbele yako ukaanza Kutetemeka, usidhani kutetemeka kumewahi kuwa msaada kwa mtu. Wewe ni Simba unayekaa na Kondoo au Yamkini wewe ni Kondoo unayekaa na Simba umetosheka na maisha unayoishi. Maana niliwahi kuwaza Kondoo anayeishi na Simba nae hudhani ni Simba, hujitutumua, hudhani wengine watamuogopa, amejaa ujasiri usio wa kwake. Unaweza muona mtu anafanya mambo ili aonekane kwenye maisha. Anataka nunua Simu ya Gharama ili nae aonekane matawi, analala njaa ili avae nguo za gharama,anaishi maisha ya ufahari sawa sawa na marafiki zake. Kama mtu ambaye kwao ilikuwa mambo safi enzi hizo marafiki zake wengi ni mambo safi sasa ikatokea wazazi wakafirisika ghafla anajikuta hakubaliana na uhalisia wa mambo anataka kuishi maisha yale yale wakati uwezo haupo, ndipo hapo unapokuta unaishi kwa kujitutumua ili uonekane na watu kuwa wewe kumbe mtu matawi kumbe hakuna kitu, ni Kondoo aliyefugwa katika mwitu na Simba, kwanini uishi maisha yasiyo ya kwako wakati una maisha yako. Ukiishi kwa Kufuata ama Kuiga maisha ya watu ni Nani ataiga Maisha yako??

Kuna uwezo Mkubwa unao ndani yako kama Ukiamua kufanya hautakuwa hivyo ulivyo Ni Lazima Utachomoza, yamkini kamshahara ndiko kanakokushikiria, yamkini umeridhika na afadhari uliyo nayo, yamkini ni fedha za Mkeo ama Mumeo ndizo zimekufanya Ubweteke, Kila Siku huwa nawaza Utaweza kuishi maisha hayo hayo unayoishi leo Kama Mumeo akifariki ghafla??Utaweza kuishi maisha hayo hayo unayoishi ikitokea leo umefukuzwa kazi??Nini unacho ndani ambacho ndicho umeumbiwa kukifanya, Inawezekana aina ya Marafiki Ulio nao ama watu wanakuzunguka wamekufanya Ujione wewe ni Kondoo wakati wewe ni Simba, ama wamekufanya ujione wewe ni Simba Wakati wewe ni Kondoo. Simba akikutana na Simba Wenzake Asili yake huonekana, wata activate kile kilicho ndani yake mpaka nae aanze kuunguruma kama Simba.

Think Differently and Make a Difference.

Ze Blogger
0713 494110

Monday, April 20, 2015

Nyakati Nyumu na Watu Wagumu

Mwanamume Jasiri na Imara (The Strong man) ama Mwanamke Jasiri na Imara (The strong woman) sio Yule tu ambaye anauwezo mkubwa wa kuchakalikia maisha na kuwa na uwezo wa kuzaliwa ama kubeba mimba nyingi kila baada ya mwaka. Kizazi tunachoishi kinahitaji watu wenye nguvu kuweza kuishi kwacho. Ndoa nyingi sana zimeyumba na zingine kupoteza dira kwa sababu tu ya kukosa Strongest Couples wa kuweza kukabiliana na changamoto za ndoa. Mahusiano mengi ya watu ya kimapenzi yameyumba na kuvunjika kwa sababu tu wapenzi hao hawajazoezwa mambo magumu. Nchi inaweza kuyumba kwa sababu ya kukosa The strong President. Chama Cha Siasa kinaweza kupigwa mwereka wa hatari na pengine kikayumba mpaka kikapotea kwa sababu ya kukosa Kiongozi anayeweza kuwapitisha watu katika Wakati Mgumu. Shule ama taasisi inaweza kuyumba kimaamuzi kwa sababu ya kukosa Kiongozi Jasiri anayeweza kukabiliana na Changamoto zinazowakumba.

Nyakati ngumu kwenye maisha zipo nyingi sana na zinatofautiana baina ya mtu na mtu, familia na familia nchi na nchi. Mara kadhaa nimewahi kutana na watu ambao wamesema “X anapitia wakati mgumu sana ingekuwa mimi nisingeweza”...ama utasikia “Ndoa yao inapitia wakati mgumu sana sana wanahitaji maombi...” kuna wengine huwa wanasema “Ofisi yetu inapitia wakati mgumu kwa sasa hali sio nzuri”.....na wengine wanasema “Serikali yetu iko kwenye wakati mgumu zaidi..” hii yote ni kuonesha kuna watu wako katika wakati unaohitaji umakini wa hali ya juu sana katika kufanya maamuzi.
Inawezekana Hatma yako ya Mafanikio imewekwa katikati ya Njia unayoiogopa Kuipita, kila ukitaka kupita unakimbia huwezi kuwa The Strongest Man or Women kwa kusoma vitabu ila Kwa Kupitia nyakati ngumu ambapo pengine watu wengine hawajui kuwa unapita nyakati ngumu.
Umewahi kuwaza kuwa kuna nyakati inawezekana kwa sababu za kimaisha mume wako ama mke wako ama mpenzi wako akafungwa jela?ama aka PARARAIZI?umewahi waza kuwa kutokana na maisha kuna nyakati mtakosa hata hela ya kula ingawa sasa mnakula mpaka mnasaza?hivi umewahi waza kuwa inawezekana mali zenu zote mlizonazo zinaweza ungua kwa mara moja na mkajikuta mmerudi katika maisha ya chini kabisa?Uimara wako hautapimwa katika nyakati za mafanikio ila zitapimwa katika nyakati ambazo kila mmoja anategemea utakimbia halafu wewe ukaamua kusimama.
Umejiandaaje na nyakati ngumu zenye kujaa kilio na kukata tama katika maisha?Ukizimia Siku ya Taabu Nguvu zako ni Chache.

Mara kadhaa nimeona na kusikia watu ambao wakati wa nyakati ngumu waliyumba sana na wengine waliamua kuachana kabisa. Unafanya nini pale ambapo kazi uliyokuwa unaitegemea ikupe mkate wa kila siku inapokuwa haipo tena, wakati huo huo mke wako anahitajika kufanyiwa oparesheni, na mtoto wako amerudishwa ada. Hizi ni nyakati zinazohitaji mshikamano sana ili kuweza kufika hatma ya familia. Inakuwa vipi pale ambapo unagundua mke wako ama mume wako anatembea nje ya agano la ndoa unarudi kwenu, unamkemea ama inakuwa vipi?assume mke wako umegundua amepata kazi baada ya kutembea na boss wake, wewe ndo baba wa familia, na mke wako ametengwa na usharika wa Kanisa mnalosali kutokana na imani ya Kanisa lenu. Mume kama Mume unachukua uamuzi gani?Njia nyepesi ambayo watu wote huwa wanaitumia ni Kumpotezea ama kuachana ama kumkimbia. Waza inapotokea Rais wa nchi anakimbia nchi yake wakati wa misukosuko ya Magaidi na hali ngumu ya maisha siku mambo ya kiwa shwari atarudi tena?Mara ngapi umevunja mahusiano yako ya kabla kwa sababu tu “hutaki shida.....hutaki pressure”.
Taifa, Familia, Taasisi na maisha binafsi yanahitaji watu ambao watakuwa tayari kwa ajili ya “KUKABILIANA NA CHANGAMOTO”. Nani anaweza kuwa NGUZO ya familia inapopita kwenye Mawimbi makali na dhoruba ambayo kila mtu anasema “Wakipona hapo kweli Mungu Yupo”. Wakati Jamii nzima inajua Utaacha kazi kutokana na Manyanyaso ya Boss wako nani yuko tayari Kusimamia haki na kweli mpaka kieleweke.

Tuesday, April 14, 2015

Papaa On Tuesday.......Kujuta/Kujijutia ni Dalili ya Kujitambua. Kubadilika ni Uamuzi.

Kwanza niombe radhi kwa kutokeleta Papaa On Tuesday kwa wiki 2 mfululilizo hii yote ni kutokana na majukumu “mapya” kuingilia muda wa utendaji kazi ya uandishi. Ingawa Rais Benjamin Mkapa aliwahi sema “Udhuru wowote mzuri unaotolewa baada ya kosa huesabika ni uchochezi”.

Mungu ni mwaminifu sana kwenye maisha yetu ya kila siku na ipo sababu ya kumshukuru kwa kile kinachotokea kwenye maisha yetu.

Katika maisha nimekuja kujifunza kupitia mimi na wengine kuwa maisha ni safari na safari ya Msafiri kuna changamoto nyingi sana hutokea kwetu. Kuna wengine wanapanda kwa kasi na wanashuka taratibu na kuna wanaoshuka kwa kasi na kuna wanaopanda taratibu na wanashuka kwa kasi hizi zote ni changamoto za maisha. Kuna kwa makusudi tunaowaumiza na kuna tunaowaumiza pasipo kujua kwenye maisha. Kuna nyakati tunafanya makosa na kujutia makosa hayo na kudhani kuwa hatuna sababu ya kuishi ama thamani ya maisha yetu imetupiliwa mbali na baadhi ya watu na kutufanya tuonekane kama hatuna tahamani tena.
Kuna nyakati tumejilaumu katika maisha kutokana na yale tuliyowahi yafanya, kuna nyakati tumejilaumu kwa sababu ya watu tuliopendana nao, kuna nyakati tumejilaumu sana kwa biashara na uwekezaji tuliofanya katika maisha, na kuna nyakati tumejilaumu sana kwa sababu kadha wa kadha zilizopelekea baadhi ya mambo ama tabia kwenye maisha yetu ya kila siku. Kuna nyakati hata machozi yamekuwa yakitutoka si kwa sababu tu kuwa tuna vipaji vya kutoa machozi la hasha ila maumivu yaliyo ndani ya mioyo yetu yamepelekea kuumia na kujutia sana yale ambayo yamepelekea maumivu. Tumefika nyakati tukalaumu kwa nini Fulani tuliruhusu akawa rafiki kwetu, tukalaumu kwanini Fulani ulumpa fursa ya kufanya kitu ambapo kila ukiwaza unasema “raiti kama ningejua nisingempa nafasi”. Ni kweli majuto ni mjukuu na kujuta ni dalili nzuri ya kutambua kosa.
Watu wengi huishia tu kujilaumu na kulia na kisha kujilaumu kwa makosa waliyoyafanya. Kitendo cha kusikitikia kosa ulilolifanya ni ishara nzuri kuwa umetambua “sense” kuwa kitu kilichotokea sicho cha kawaida kwenye mwili wako ama nafsi yako. Ndio maana mtu atakuuliza “Leo kama hauko sawa...” nawe utasema “Siko sawa......”. Swali la kujiuliza kwanini unaendelea kukaa na hali ya kutokuwa sawa kwa muda mrefu wakati maisha hayana budi kwenda mbele. Kuumizwa ni sehemu ya maisha yetu ya kila siku, fanya kuumia kwako kama sehemu ya darasa na sio sehemu ya udhaifu. Ni kweli tumeumbwa tofauti wengine wanaumia haraka wengine magume gume lakini tukumbuke sisi sote ni binadamu na tuna hisia za kibinaadamu.  Hata mtu unayedhani ni gume gume kumbuka nae kama mwanadamu ana ya kwake yanamsibu huwa anaumia kama wengine. Na wengine si kwasababu hawaumii ila pengine mioyo yao imeshapata ganzi kutokana na ajali nyingi zilizowapata.
Jambo la kukumbuka mara zote unapokuwa katika nyakati ngumu kumbuka jambo moja “Nothing Last Forever”...hakuna linalodumu milele na milele. Kila hali ambayo siyo “normal” kwenye maisha yako haitadumu imekuja kwako ili uweze kujifunza. Hali yoyote isiyo ya kawaida yanye kuleta maumivu ifanye hali hiyo kuwa “mgeni” na sio mwenyeji wa kudumu. Muda wa kukaa na tatizo inategemea sana wewe mwenyewe maamuzi yako kuna wengine kila wanapopata changamoto za maisha huchukua maamuzi ya kutafuta suluhu mara moja na wengine wetu wengi huwa tunaamua kulivalisha PAMPAS tatizo na kukaa nalo tukiamini pengine tatizo hilo ni “letu”. Haijalishi ni siku ngapi, wiki ngapi ama miaka mingapi itachukua lakini cha masingi kuna siku litapita. Linapitaje pitaje ndilo linalotutofautisha kwenye maisha. Mwingine jambo hilo hilo linamuachia mikwaruzo kwenye nafsi na wengine jambo lile lile  linapelekea kuto umia.

Ukijisikia kusikitika na kujutia jambo Fulani ni dalili nzuri ya kutambua kilichotokea na sio ishara ya kukufanya ukae katika hali hiyo milele. Mungu ameamua kukupitisha kwa makusudi ili uweze kujifunza. Kujifunza ni fursa.
Mungu na Akutane na Hitaji na Hali yako Ya Sasa.

Samuel Sasali
Phone: +255 713 494 110
Facebook: Samuel Nathaniel Sasali
Instagram: @samsasali

Twetter: samsasali

Tuesday, March 17, 2015

Papaa On Tuesday......Hatujifahaamu Zaidi Ya Vile Tunavyojifahamu Tukubali Kukosolewa

Ikiwa leo ni tarehe 17 Mwezi Machi, 2015 tukiwa tunakaribia kumaliza robo ya kwanza ya mwaka ni vema tukajitahimini kuona ni namna gani tunaweza kusonga mbele tunapoelekea robo ya pili ya mwaka.

Wiki iliyopita niliandika kuhusu hulka ya watu kuogopa mawazo ya watu wengine kitaalam inaitwa Allodoxaphobia. Mara chache sana kwenye maisha imetokea watu kukubali watu wengine kuwakosoa katika mambo ambayo tumekuwa tukifanya kwa sababu moja ama nyingine. Mara nyingi mambo tunayoyafanya hutupatia label ya namna fulani ambayo hututambulisha kwenye jamii. Kama wewe ni mfundishaji utaitwa Mwalimu, kama Unaimba Utaitwa Mwanamuziki. Kama wewe ni mume ama mke yale unayoyafanya husababisha mwenzako akuzoee kwa namna fulani. Mabadiliko yoyote yanayotokea yawe Chanya ama hasi basi wale wanaotuzunguka huya baini mabadiliko hayo pengine kuliko sisi wenyewe.

Kwenye maisha tunawahitaji watu wa kutu support na watu wakutukosoa na watu wa kututia moyo wanahitajika sana ili kuweza kusababisha ustawi wa maisha yetu. Mara nyingi sana sisi kama wanadamu huwa tunapenda sana kusikia habari nzuri, habari za kutupaka mafuta. Mara nyingi tunadhani wale watu ambao hutukosoa ni kama hawana mapenzi mema kwenye maisha yetu. Lakini ukweli ni kwamba hatujifahamu zaidi ya vile tunavyojifahamu. Ingawa watu wanasema mtu hujifahamu yeye mwenyewe zaidi lakini ukweli ni kwamba mabadiliko ya tabia, mabadiliko ya mienendo hujulikana mapema na wale wanaotuzunguka kuliko sisi wenyewe.
Unaweza kuta mwenzi wako anakuambia "siku hizi unachelewa kurudi"halafu badala ya kutazama ukweli wa kile unachoambiwa huwa tunaibua hoja nyingi za utetezi kuwa pengine foleni, au majukumu. Kama wazazi wanawaambia watoto wao kuwa siku hizi umebadilika watoto hukimbilia kujitetea. Ma Boss wetu hutuambia kuwa utendaji wetu wa kazi umebadilika umekuwa mbaya kinachotokea kikubwa ni kusononeka na kujisikia vibaya. Badala ya kutazama kile ambacho tunarekebishwa ama kuonywa huwa tunabaki kulalamika na kujisikia vibaya na kuandaa utetezi wa kutosha.

Rais Benjamin Mkapa aliwahi sema "Udhuru wowote unaotolewa baada ya Kosa huesabiwa kuwa utetezi".Tujifunze kukubali changamoto, mitazamo, mawazo ya watu wengine yanapotolewa kwenye maisha yetu. Mabadiliko yenye kukuelekezea kwenye ustawi wa Afya ya akili, na maendeleo ya Kiuchumi na Kiroho ni vema tukafungua akili ya ufahamu wenye kuelewa yale yanayosema kuhusiana na maendeleo ya maisha yetu. Watu wanaotutazama na kutuzunguka huwa wanatufahamu vema hasa kunapokuwa kuna maendeleo hasi na chanya. 

Unapoamua kubadilika si faida ya mkosoaji ni muhusika. Kweye team anayefundisha ni Coacher ambaye ushindi ukipatikana mara chache sana hukumbukwa kama sehemu ya ushindi sifa huenda kwa wachezaji. Kocha ndiye anayesahihisha makosa ya wachezaji kwa kuwaelekeza kwa sababu yeye ndiye anatazama. Maelekezo ya Kocha yakizingatiwa huweza kubadili hali ya mchezo na pengine kuleta ushindi. Kuna mambo ambayo unapaswa kuzingatia pale ambapo watu wanaokutazama na kukuzunguka.

Tuesday, March 10, 2015

Je Wewe Unatatizo la Allodoxaphobia??

Allodoxaphobia....Hii ni tabia inayotokana na tatizo la Kisaokolojia ambapo mtu anakuwa hulka ya kuogopa Mawazo mengine ya watu...Other People Opinion(s).

Mara nyingi sana kwenye mikusanyiko ya watu kumekuwa na watu ambao wameogopa ama wanaogopa kutoa mawazo yao kwa vile wanahofia watu wengine watasema nini juu yao.
Kwenye Social media kumekuwa pia na watu wengi ambao kazi yao kubwa imekuwa ni kusoma tu watu vitu wanavyopost kwenye mitandao tatizo si kwamba hawana cha kuandika la hasha ila wanaogopa watu watasema nini juu yao. Ikitokea mtu akamkosoa katika kile anachokifanya basi moyo wake huwa na kama jeraha fulani hivi. Inawezekana kuna siku aliwahi kukosolewa live live aka kushambuliwa live live kwenye social media, ndani ya moyo wake akaamua kutokuandika tena kwenye social media. Ile hali ya kuogopa mawazo mbadala yaw engine inaitwa Allodoxaphobia.

Kuna watu wana hulka ya kujisikia vibaya mpaka kuogopa inapotokea kuna mtu ana mchallange katika Kikao, Mkusanyiko, nyumbani, ofisini ama hata kwenye mitandao. Kuna wengine wakiona mtu mwingine anakosolewa ama kusahihishwa kwa mawazo mbadala basi yeye anajisikia vibaya kupita maelezo anaweza hata kukuuliza “unajisikiaje?” “huogopi?”hizi zote ni dalili ya Allodoxaphobia.


Wakati mwingine tabia hii imepelekea mahusiano mengi ama ndoa kuingia kwenye migogoro kwa sababu tu mmoja kati ya wapenzi anajisikia vibaya kukosolewa. Kila ambapo anasaidiwa anapewa mawazo mengine anatafsiri kama ni kwamba ana makosa sana ama mapungufu sana. Kutokana na tabia hiyo unakuta mmoja anashindwa kumsaidia ama kumkosoa tena mwenzake anaamua kumezea mezea makosa ya mwenzake kwa kuwa anajua akisema tu mwenzake atajisikia vibaya.

Papaa On Tuesday.....Jambo Lolote Ukiamua Kulipa Maana, Litakuwa na Maana.

Kwanza nipende kuomba radhi kwa kutokuwepo hewani wiki iliyopita kutokana na majukumu mbalimbali yaliyokuwa yakinikabiri. Ninafahamu ni kwa kiasi gani watu wamekuwa wapenzi na wafuatiliaji wakubwa wa Papaa On Tuesday na niwashukuru kwa dhati watu waliodiriki kuninyoshea kidole  pale inapotokea najisahau sahau, na niwashukuru sana wale walioomba pamoja name baada ya kuzungumza nao changamoto zilizokuwa  zikinikabiri hapo kabla.

Mwaka 2015 kati ya mambo ambayo yalinijia kwa kiasi kikubwa sana ni kuhusu kuvipa vitu maana view vinaonekana vya maana ama visivyoonekana kuwa na maana as long as tumeamua kuvipa maana basi vitakuwa na maana. Ndipo nilipohitimisha kwa kusema “Jambo lolote ukiamua kulipa maana basi linakuwa na maana”. Maana halisi wanaweza wasiwenayo wengine ila maana ya kitu ama jambo unaweza kuwa nayo mwenyewe.

Swahibu wangu Prosper Mwakitalima aliwahi niambia leo hii ukiamua kumchukua mwendawazimu na kuanza kumpa promo anakuwa Super Star kwa sababu gani umaana wa jambo hufanywa kwa kupewa muda na umakini kwa jambo hilo. Wengi wetu tutakumbuka Mzee Matonya alipotokea kuwa Omba Omba maarufu kuliko Ombaomba wote Tanzania si kwamba jambo alilokuwa anafanya ni zuri sanaaa la hasha ila Mzee Matonya alikua ndo ICON wa Omba Omba Tanzania.  Zamani wakati nakuwa suala la foleni za watu katika maeneo ya huduma mbalimbali kama mahospitalini, Mabenki, TRA na kwingineko lilikuwa jambo la kawaida sana. Mtu mmoja kwa kukereka kwake akaamua kuipa maana foleni hizo ndipo akaja na njia mbadala za watu kupata huduma pasipo kupanga foleni zikaibuka Maxmalipo, Tigo Pesa, Mpesa na nyinginezo kusudi kuweza kutatua lililokuwepo. Jambo lolote ukiamua kulipa maana linaweza kugeuka fursa ya kiuchumi katika maisha yako.

Mara nyingi sana changamoto ama matatizo yanayotukabiri huwa hatuoni kama zinaweza kuwa fursa kwenye maisha yetu kwa sababu hatujaamua kuzipa maana changamoto hizo na kuona ni kama vikwazo kwenye maisha. Ukiamua kulipa jambo attention (umakini) ukaamua kulipa jambo muda wa kutosha, ukaamua kulipa jambo tafakari ya kutosha utagundua jambo lile lile lililokuwa linaonekana la Kawaida tu kumbe lina matokeo makubwa sana kwenye maisha. Ukiamua kulipa jambo watu wanabadili mtazamo wao kuhusu jambo hilo. Leo hii ukaamua kuanza kusambaza maandazi kwenye mashule kwa kuyaweka kwenye vifuko kasha ukawa unafunga na Icescreem kisha ukawa unauza kwenye mashule ya Msingi unaweza shangaa umekuwa milionea ghafla kwa sababu umeweza kubadili mchezo wa mtazamo kwa kuvifanya vitu pamoja.
Unaweza kuona unachofanya ni kama hakina thamani kuliko wanachofanya wengine, na ukatamani kuacha kile unachofanya kwa sababu tu “hakifai” ukweli ni kwamba hujaamua kukipa umaana. Unaweza wewe ukaamua kuacha kufanya jambo hilo hilo ajabu ukakuta kuna mtu anafanya kitu hiko hiko kwa kwa ubora na ufanisi ukabaki unajiuliza kumbe kitu hicho ni chema zaidi. Ni kwa sababu tu hujaamua kukipa umaana kile unachofanya. Watu wote tunafanya kitu kile kile ila tunatofautiana namna tunavyovipa umaana vitu tunavyovifanya. Umewahi jiuliza ni muda gani unatumia kukipa muda kitu unachokifanya. Masaa mangapi unatumia kuwaza kazi unayoifanya, unatumia ubunifu kiasi gani kufanya kazi unayoifanya, unatumia ufahamu gani na tafakari kwa kazi unayoifanya ukilipa jambo umaana linakuwa na maana kwako.

Mara nyingi sana tumeyapa maana mambo yasiyo na maana kwenye maisha yetu. Usipotenga muda kwa ajili ya kitu Fulani ukweli ni kwamba hautakuwa na muda utashangaa kila lisaa kwako lina kazi, unaweza kuta hauna muda kwa mambo ya maendeleo. Unaweza toa sababu nyingi sana za msingi kuwa hauna muda na ukweli ni kwamba hautakuwa na muda wa kusoma, hautakuwa na muda wa kupumzika cha msingi ni kwamba utakuwa haujaamua kuupa muda wa kusoma maana ya kutosha ukiweka nia kufanya jambo muda huo utapatikana lakini mara zote kama utakuwa na udhuru wa kufanya jambo jua fika huo muda hautakuwepo kabisa.

Nini unakipa maana kwenye maisha yako, uvivu,uzembe, Umbeya, ufisadi, kazi, ndoa, utakatifu, ngono, umakinin n.k chochote ambacho unaamua kukipa maana kwenye maisha yako kinakuwa na maana.

Sunday, February 22, 2015

Paul Clement DVD Launch Word Alive Hakunaga

IMG_0632 
mahali chanya pa kujiachia...raha ndani yaYESU katika uzinduzi
wa live DVD ya Paul Clement..Word Alive Center..
IMG_0619 
 Elandre gospel hiphop a.k.a mzee wa "ELIJAH" artist akifanya vitu vyake...
IMG_0620 
 Turning Up for Jesus like nobody's bussiness.....
IMG_0621 
 mwendo wa kujiachia.....
IMG_0622 
 dance...dance..dance
IMG_0625 
 one....two..step
IMG_0626 
 sura huwa inahusika sana stepu zinapokolea.....
IMG_0627 
 mashabiki wakisimama mbele ya umati wa adui kama ELIYA..
IMG_0628 
 Perfect Chemistry ya ELANDRE na mashabiki...
IMG_0629 
 ni kusifu non-stop
IMG_0630 
 turn uupppppppp....
IMG_0631 
 tunaatamka inakua.....
IMG_0633 
 KKKT Uinjilisti kwaya jukwaani
IMG_0634 
 soloist kazini
  IMG_0635 
 mzamo....
IMG_0636 
 KKKT Uinjilistichoir katika ubora wao.....
IMG_0637 
 kwa Yesu kuna raha.....
IMG_0638 
 katika ubora zaidi......
IMG_0639 
 mpakwa mafuta wa Bwana, Allen Mwaipaja katika ubora wake...
IMG_0640 
 sifaa za Bwana zivume.....
IMG_0641 
 Allen Mwaipaja...kwaya ya uinjilisti KKKT..
IMG_0642 


IMG_0643 
 collabo ya maana...
IMG_0644
 Amenitendea.....kwaya ya Unjilisti KKKT....
Back Vocals
 Back Vocals
Back Vocals
Paul katika Ubora wake
In His Presence